ചൊവ്വല്ലൂര്‍ കൃഷ്ണന്‍ കുട്ടിയുടെ ഭക്തിനിര്‍ഭരമായ വരികള്‍ക്ക് ശരത്തിന്റെ സംഗീതസംവിധാനത്തില്‍ ഉണ്ണികൃഷ്ണന്‍ ആലപിച്ച മനോഹരമായ ഒരു ഭക്തിഗാനത്തിന്റെ വരികള്‍ ഈ വരുന്ന അഷ്ടമിരോഹിണി നാളിലേയ്ക്ക് നിങ്ങള്‍ക്കായി.....
.
ആല്‍ബം : ഗോപീചന്ദനംഗാനരചന : ചൊവ്വല്ലൂര്‍ കൃഷ്ണന്‍‌കുട്ടി
സംഗീതം : ശരത്
ആലാപനം: പി. ഉണ്ണികൃഷ്ണന്‍
ഇനിയെന്നുകാണും ഞാന്‍ ഇനിയെന്നു കാണും ഞാന്‍
അതുമാത്രമാണെന്‍ വിചാരം കണ്ണാ…(2)
ആ നടയിലെത്തുവാന്‍ എന്തിത്രതാമസം
അതുമാത്രമാണെന്‍ വിഷാദം കണ്ണാ..(2) (ഇനിയെന്നുകാണും…)
പലനാളും നിന്മുന്നില്‍ തൊഴുതുനില്‍കുമ്പോള്‍
പറയേണമെന്നു ഞാന്‍ ഓര്‍ക്കും, പലതും
പറയേണമെന്നു ഞാന്‍ ഓര്‍ക്കും…
കരുണാനിധേ…നിന്നെ കാണുന്ന മാത്രയില്‍
കരുതിയതെല്ലാം മറക്കും
ഞാന്‍ കരുതിയതെല്ലാം മറക്കും (ഇനിയെന്നുകാണും…)
കണ്ണനാമുണ്ണിയെ നാളെയും കാണാം
എന്നോര്‍ത്തു വേഗം മടങ്ങും
ഞാനെന്‍ ഓര്‍മ്മയില്‍ വീണു മയങ്ങും…
അന്നേരം നാളെ ഉണരുവാന്‍ വൈകുമോ-
എന്ന വിഷാദം തുടങ്ങും
ഉടനേ ഞാന്‍ കാണാനൊരുങ്ങിയിറങ്ങും.... (ഇനിയെന്നു കാണും …)
