ആല്‍ബം : നിനക്കായ്
ഗാനരചന : ഈസ്റ്റ് കോസ്റ്റ് വിജയന്‍
സംഗീതം : ബാലഭാസ്കര്‍
ആലാപനം : പി.ജയചന്ദ്രന്‍
ഒന്നിനുമല്ലാതെ എന്തിനോ തോന്നിയൊരിഷ്ടം
എനിക്കെപ്പൊഴോ തോന്നിയൊരിഷ്ടം (2)
രാഗമായ് അതു താളമായ് നീയെനി-
ക്കാത്മാവിന്‍ ദാഹമായ്
ശൂന്യമാം എന്‍ ഏകാന്തതയില്‍
പൂവിട്ടൊരനുരാഗമായ്......
നീ ഒരു സ്നേഹവികാരമായി... (ഒന്നിനുമല്ലാതെ...)
മനസ്സിലെ നവരത്ന വിളക്കില്‍ നീ കൊളുത്തി
മധുരസ്മരണ തന്‍ തിരികള്‍ (മനസ്സിലെ...)
അഭിലാഷങ്ങളെ സുരഭിലമാക്കും
സുഗന്ധ കര്‍പ്പൂരത്തിരികള്‍ (2)(ഒന്നിനുമല്ലാതെ...)
വെളിച്ചം വീണ്ടും വാതില്‍ തുറന്നു
വസന്തം വന്നു വിടർന്നൂ (വെളിച്ചം...)
എന്നിലെ എന്നെ ചുംബിച്ചുണര്‍ത്തി
എനിക്കു പ്രിയമാം നിന്‍ ഗാനം (2)(ഒന്നിനുമല്ലാതെ...)
No comments:
Post a Comment