ചിത്രം : മൂന്നാം ലോക പട്ടാളം \ ദി പോര്‍ട്ടര്‍
ഗാനരചന : ഗിരീഷ് പുത്തഞ്ചേരി
സംഗീതം : വിദ്യാധരന്‍
ആലാപനം : കെ.ജെ.യേശുദാസ്
പരിഭവമോടെ നിറമിഴിയോടെ
പകലും പൊലിയുന്നൂ….ഇരുളായ് അലിയുന്നൂ
നിറവാര്‍മ്മുകിലായ് ഉരുകും മനസ്സില്‍
പൊഴിയാമഴപെയ്തൊഴിയുന്നൂ…..(പരിഭവമോടെ…)
കാതരമേതോ കുയിലിന്‍ പാട്ടുംപാഴ് ശ്രുതിയാവുന്നൂ…
നെഞ്ചില്‍ നിലാവായ് നിറയും നോവിന്‍ പാടുകള്‍ ചൂടുന്നൂ…
ഒരു കുളിര്‍ വാക്കില്‍ ഇളനീര്‍ മധുരം
പകരാന്‍ വരുമോ വീണ്ടും…..(ഒരു കുളിര്‍) …..(പരിഭവമോടെ…)
ഓര്‍മ്മകള്‍ നീറും മനസ്സില്‍ മൌനം സാന്ത്വനമാകുന്നൂ…
നീറി നുറുങ്ങും നെറുകില്‍ സ്നേഹം ചന്ദനമാകുന്നൂ
അണിവിരലാല്‍ നീ തഴുകും നേരം
ഹൃദയം പൂവാകുന്നൂ…(അണിവിരലാല്‍ ) .(പരിഭവമോടെ…)
.
ഈ ഗാനം ഇതുവരെ കേള്‍ക്കാ‍ത്തവര്‍ക്ക് ഇവിടെ ഗാനം ആസ്വദിക്കാം.
